ელექტრო და ელექტრონულ ნარჩენს წარმოადგენს ნებისმიერი მოწყობილობა, რომელიც მუშაობს (ან მუშაობდა) დენზე ან ბატარეაზე. არსებობს საყოფაცხოვრებო და სამრეწველი ელექტრო ნარჩნები.

ელექტრო ნარჩენი შეიცავს უამრავ, ადამიანის ჯანმრთელობისთვის სახიფათო
ტოქსიკურ კომპონენტს. მიწაში ან წყალში მოხვედრის შემდეგ, ელექტრო ნარჩენი, დროთა განმავლობაში, გამოყოფს ამ ტოქსიკურ კომპონენტებს და შესაბამისად აბინძურებს გარემოს. ელექტრო ნარჩენის განთავსება მუნიციპალურ ურნებში დაუშვებელია, რადგან აქედან ის ისევ გარემოში ხვდება.

გადაყრილ გამოყენებულ საბურავებს შეუძლიათ გამოიწვიონ მრავალი სახის მავნე ზემოქმედება გარემოზე: წყლით ავსებული საბურავი ხელს უწყობს კოღოებისა და სხვა მწერების გავრცელებას. ნაგავსაყრელზე მოხვედრილი საბურავის გახრწნას სჭირდება დიდი დრო და ლპობისას გამოყოფს კარცეროგენულ და მუტაგენურ ნივთიერებებს, რაც იწვევს სიმსივნეს და კანის დაავადებებს. საბურავი შეიცავს ადვილად აალებად კომპონენტებს, მათი წვისას გამოყოფილი ნივთიერებების შესუნთქვა კი იწვევს უამრავ დაავადებას.