პარტნიორული ურთიერთობა Cavea Cinemas-თან
გარემოზე ზრუნვის ინიციატივას შემოუერთდა Cavea Cinemas და ვეისთლესის ბრენდირებული ბატარეებისა და ელექტრო ნარჩენების შესაგროვებელი ყუთები კავეას კინოთეატრების დარბაზებშიც განთავსდა. ამ მნიშვნელოვანი თანამშრომლობის აღსანიშნავად, 8 და 9 აპრილს გავმართეთ წამახალისებელი ორდღიანი კამპანია კავეას სითი მოლის ფილიალში. ყველა, ვინც ამ დღეს ელექტრონარჩენი ჩაგვაბარა, გათამაშებაში ჩაერთო და შანსი ჰქონდა მოეგო კინოთეატრის უნივერსალური ბილეთები. დღის ბოლოს კი, ვეისთლესმა ყველა მონაწილეს, ვინც ჩაგვაბარა ელექტრო ნარჩენი გადასცა კინოთეატრის ბილეთი.
ჩვენ ვცდილობთ ნარჩენების ჩაბარება არა მხოლოდ აუცილებელ, არამედ ინტერაქციულ გამოცდილებადაც ვაქციოთ. ამიტომ, ასეთი ტიპის გათამაშებები და საინტერესო აქტივობები მომავალშიც იგეგმება კავეასთან ერთად. დაელოდეთ სიახლეებს და გამოგვყევით სოციალურ ქსელებში მეტი სიახლის გასაგებად.
